ଜୟଦେବ ଗଣଦୌଡ-୨୦୨୫ ଅନୁଷ୍ଠିତ
ବାଲିଅନ୍ତା,୦୧/୦୪(ଶାନ୍ତିସ୍ତୁପ ବ୍ୟୁରୋ) ଉତ୍କଳ ଦିବସ ଅବସରରେ ଜୟଦେବ ଅଞ୍ଚଳରେ ପର୍ଯ୍ୟଟନ କ୍ଷେତ୍ର ଗୁଡିକର ବିକାଶ ଓ ପ୍ରସାର ପ୍ରଚାରର ସଂକଳ୍ପ ନେଇ ଆୟୋଜିତ ହୋଇଛି ଜୟଦେବ ଗଣଦୌଡ ୨୦୨୫ । ନିର୍ଭିକ ଖବର ଓ ଅରବିନ୍ଦ ୟୁଥ୍ ଆଣ୍ଡ ସୋସିଆଲ ଚାରିଟେବୁଲ ଟ୍ରଷ୍ଟ ପକ୍ଷରୁ ଆୟୋଜିତ ଏହି ଗଣଦୌଡ଼ରେ ସ୍କୁଲ , କଲେଜ ଛାତ୍ର ଛାତ୍ରୀ , ଅଂଚଳର ଯୁବ ପିଢୀ ,ବିଭିନ୍ନ ସ୍ବେଚ୍ଛାସେବୀଙ୍କ ସମେତ ୩୦୦ରୁ ଅଧିକ ପ୍ରତିଯୋଗୀ ଭାଗନେଇଥିଲେ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ବରିଷ୍ଠ ବିଜେପି ନେତା ତଥା ପୂର୍ବତନ ମନ୍ତ୍ରୀ ଡଃ ଅରବିନ୍ଦ ଢ଼ାଲି ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ନାଲକୋର ବରିଷ୍ଠ ପ୍ରଶାସନିକ ଅଧିକାରୀ ଆଶୁତୋଷ ରଥ , ବରିଷ୍ଠ ଶିକ୍ଷାବିତ୍ ବିଦୁଭୂଷଣ ପଟ୍ଟନାୟକ , ସଂଳାପକାର ଡଃ ରଜନୀ ରଞ୍ଜନ ଦାସ , ଶିକ୍ଷାବିତ୍ ଲକ୍ଷ୍ମୀଧର ପ୍ରଧାନ , ପ୍ରମୋଦ ପାଢୀ , ସୁଚିଶ୍ମିତା ପୃଷ୍ଟି , ରଞ୍ଜନ କୁମାର ମହାପାତ୍ର , ନିର୍ଭିକ ଖବରର ସମ୍ପାଦକ ଆଶୁତୋଷ ଚୌଧୁରୀ, ରେଣୁକା ସେଠୀ , ତନୟା ଦାସ ଗୋସ୍ୱାମୀ ,ମେଡିକାଲ ଅଫିସର ତନ୍ମୟ ତ୍ରୀପାଠୀ ପ୍ରମୁଖ ଯୋଗଦେଇ ଜୟଦେବ ଅଂଚଳର ଐତିହ୍ୟ, ପର୍ଯ୍ୟଟନ କ୍ଷେତ୍ରର ପ୍ରସାର ପ୍ରଚାର ଓ ସୁରକ୍ଷା ନିମନ୍ତେ ସମସ୍ତେ ଆଗେଇ ଆସିବାକୁ ଆହ୍ବାନ ଦେଇଥିଲେ। ଏହି ଗଣଦୌଡ ବାଳକାଟି ସ୍ଥିତ ସଂଗୀତ ସୁଧାକର ବାଳକୃଷ୍ଣ ଦାସଙ୍କ ପ୍ରତିମୂର୍ତ୍ତି ଠାରୁ ଆରମ୍ଭ ହୋଇ ବିଶ୍ଵ ପ୍ରସିଦ୍ଧ ଚଉଷଠି ଯୋଗିନୀ ମନ୍ଦିର ନିକଟରେ ଶେଷ ହୋଇଥିଲା । ଏହି ପ୍ରତିଯୋଗିତାରେ ଦୋଳମଣୀ ଚିରଗୁନ୍ ପ୍ରଥମ ସ୍ଥାନ ଅଧିକାର କରି ୧୦ ହଜାର ଟଙ୍କା ପୁରସ୍କାର ରାଶି ଗ୍ରହଣ କରିଥିବା ବେଳେ ଦ୍ବିତୀୟ ବିଜେତା ଭାବେ ଶୁଭମ ବେହେରାଙ୍କୁ ୭ ହଜାର ଟଙ୍କା, ତୃତୀୟ ବିଜେତା ଜାମିନୀ ସାହୁଙ୍କୁ ୫ ହଜାର ଟଙ୍କା ପୁରସ୍କାର ରାଶି ପ୍ରଦାନ କରାଯାଇଥିଲା। ସେହିପରି ୪ ବିଜେତା ରୂପେ ନନ୍ଦିନୀ ଶବରଙ୍କୁ ୩ ହଜାର ଟଙ୍କା ପୁରସ୍କାର ରାଶି ପ୍ରଦାନ କରାଯାଇଥିଲା। ନିର୍ଭିକ ଖବରର ସହ ସମ୍ପାଦକ ପ୍ରଳୟ କୁମାର ଦାସ ଧନ୍ୟବାଦ ଅର୍ପଣ କରିଥିବା ବେଳେ ପ୍ରକୃତି ବନ୍ଧୁ ଦିନବନ୍ଧୁ ଭୋଇ , ଲକ୍ଷ୍ମଣ ଜେନା , ପ୍ରିୟବ୍ରତ ପାତ୍ର, ଦୀପକ ସ୍ବାଇଁ ପ୍ରମୁଖ ସହଯୋଗ କରିଥିଲେ।
