ଦ୍ୱିତୀୟ ହରପ୍ରିୟା ସାହିତ୍ୟ ଉତ୍ସବ -୨୦୨୫ ଅନୁଷ୍ଠିତ
ବାଳକାଟି: ୩୦|୩(ନି.ପ୍ର):ବାଲିଅନ୍ତା ବ୍ଲକ ହୀରାପୁର ଗ୍ରାମର ଅଗ୍ରଣୀ ସାମାଜିକ ଅନୁଷ୍ଠାନ ହରପ୍ରିୟା ଫାଉଣ୍ଡେସନ ଟ୍ରଷ୍ଟ ଆନୁକୂଲ୍ୟରେ ଦ୍ୱିତୀୟ ହରପ୍ରିୟା ସାହିତ୍ୟ ଉତ୍ସବ ସ୍ଥାନୀୟ ଯଶୁଆପୂର ବାଲିପୋଖରି ଜଙ୍ଗଲରେ ଅନୁଷ୍ଠିତ ହୋଇଯାଇଛି l ଟ୍ରଷ୍ଟର ମୁଖ୍ୟ ଦୀନବନ୍ଧୁ ଭୋଇ ସଭାପତିତ୍ବରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟଅତିଥି ଭାବେ ଚଳଚିତ୍ର ସଂଳାପ ଲେଖକ ଓ ବରିଷ୍ଠ ସାହିତ୍ୟିକ ଡ଼. ରଜନୀ ରଞ୍ଜନ ଦାଶ, ମୁଖ୍ୟ ବକ୍ତା ଭାବେ ବରିଷ୍ଠ ସାମ୍ବାଦିକ ଓ ଶିଶୁ ସାହିତ୍ୟିକ ବଙ୍କିମ ଚନ୍ଦ୍ର ନାୟକ,ସମ୍ମାନିତ ଅତିଥିଭାବେ ଜଗନ୍ନାଥ ସଂସ୍କୃତି ଗବେଷକ ଡ କାଳନ୍ଦୀ ଚରଣ ସାହୁ, ସାହିତ୍ୟିକ ଡ ପ୍ରସନ୍ନ ଦଶ, ଗାଳ୍ପିକା କମଳିନୀ ମଲ୍ଲିକ, ଯୁବ ସମାଜସେଵୀ ରଞ୍ଜନ କୁମାର ମହାପାତ୍ର ଯୋଗଦେଇ ସାହିତ୍ୟ ହେଉଛି ସୃଜନଶିଳତାର ଏକ ଅଭିଛେଦ୍ୟ ଅଙ୍ଗ l ସାହିତ୍ୟ ନିଜ ଅଞ୍ଚଳର ପରିଚୟ ପ୍ରତିପାଦନ କରିବାରେ ସହାୟକ ହୋଇଥାଏ l ସାହିତ୍ୟ ବଞ୍ଚିଲେ ରାଜ୍ୟ ଓ ଦେଶ ବଞ୍ଚିବ l ସାହିତ୍ୟକୁ ଉଜ୍ଜୀବିତ କରିବାପାଇଁ ଆଜିର ଯୁବ ସମାଜ ଆଗେଇ ଆସିବା ଆବଶ୍ୟକ ବୋଲି ନିମନ୍ତ୍ରୀତ ଅତିଥିମାନେ ମତବ୍ୟକ୍ତ କରିଥିଲେ l କାର୍ଯ୍ୟକ୍ରମରେ ଉପସ୍ଥିତ ଥିବା ବିଶିଷ୍ଟ କବି ସାହିତ୍ୟିକ ନିଜର କବିତା ପଠନ କରିଥିଲେ l ଉତ୍ସବରେ ସାହିତ୍ୟ କ୍ଷେତ୍ରରେ ଅତୁଳନୀୟ ଅବଦାନ ପାଇଁ “ସାରସ୍ୱତ ସ୍ରଷ୍ଟା ” ସମ୍ମାନରେ ସ୍ୱର୍ଣ୍ଣଲତା ପତିଙ୍କୁ ସମ୍ମାନିତ କରାଯାଇଥିଲା ବେଳେ ସମାଜସେବା କ୍ଷେତ୍ରରେ ସୁଜିତ୍ ବେହେରା, ରେଣୁକା ସେଠୀ, ନିରଞ୍ଜନ ନାୟକ, ଦୁର୍ଯ୍ୟଧନ ପ୍ରଧାନ, ସାମ୍ବାଦିକ କ୍ଷେତ୍ରରେ ଆସିତି ସାହୁଙ୍କୁ ସମ୍ବର୍ଦ୍ଧିତ କରାଯାଇଥିଲା l ଏହି କାର୍ଯ୍ୟକ୍ରମରେ ଯୁବ ଗୀତିକାର ସୋନାଲି ପ୍ରିୟଦର୍ଶିନୀ ଓ ଅଧ୍ୟାପିକା ପ୍ରତିମା ଭୋଇ ମଞ୍ଚ ପରିଚାଳନା କରିଥିବା ବେଳେ ଅନୁଷ୍ଠାନର ଅନ୍ୟତମ ଟ୍ରଷ୍ଟି ଶ୍ରୀକୁମାର ଆଶୁତୋଷ ଭୋଇ, ଉମାକାନ୍ତ ବେହେରା, ଗୋଲେଖ ବେହେରା, ଦୀପକ ସ୍ଵାଇଁ ଓ କବି ରାମହରି ମହାରଣା ମଞ୍ଚ ପରିଚାଳନାରେ ସହଯୋଗ କରିଥିଲେ । ଶେଷରେ ଆଶୁତୋଷ ଚୌଧୁରୀ ଧନ୍ୟବାଦ ଅର୍ପଣ କରିଥିଲେ l
