ବାଲିପୋଖରି ଜଙ୍ଗଲରେ ଗ୍ରୀଷ୍ମ ଋତୁରେ ପକ୍ଷୀଙ୍କ ପାଇଁ ପାନୀୟ ଜଳ ବ୍ୟବସ୍ଥା
ବାଲିଅନ୍ତା: ବାଲିଅନ୍ତା ବ୍ଲକ୍ ଅନ୍ତର୍ଗତ ଯଶୁଆପୁର ଗ୍ରାମର ବାଲିପୋଖରି ନିକଟରେ ଜଙ୍ଗଲ ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ଓଡ଼ିଶା ସରକାରଙ୍କ ଦ୍ୱାରା ସୃଷ୍ଟି ହୋଇଥିବା ଜଙ୍ଗଲରେ ଗ୍ରୀଷ୍ମ ଋତୁ ସମୟରେ କିପରି ପକ୍ଷୀଙ୍କ ସୁରକ୍ଷା ସହଜରେ ପାଣି ପିଇ ପାରିବେ ନେଇ ବାଲିଅନ୍ତା ବ୍ଲକ ଅଞ୍ଚଳର ଅଗ୍ରଣୀ ସାମାଜିକ ଅନୁଷ୍ଠାନ ଯଶୁଆପୁର ବିକାଶ ପରିଷଦ ଓ ଯଶୁଆପୁର ଜଙ୍ଗଲ ସୁରକ୍ଷା ସମିତିର ପ୍ରତିଷ୍ଠାତା ରଞ୍ଜନ କୁମାର ମହାପାତ୍ରଙ୍କ ନେତୃତ୍ବରେ ଜଙ୍ଗଲରେ ବିଭିନ୍ନ ଗଛରେ ମାଟି ପାତ୍ରକୁ ଶିକା ଦ୍ୱରା ଗଛରେ ଝୁଲାଇ ସେଥିରେ ପକ୍ଷୀମାନଙ୍କ ପାଇଁ ପିଇବା ପାଣି ବ୍ୟବସ୍ଥା କରାଯାଇଛି । ପ୍ରକାଶ ଥାଉକି ଏହି ଜଙ୍ଗଲରେ ବିଭିନ୍ନ ଫୁଲ ଓ ଫଳ ଗଛ ରୋପଣ କରାଯାଇ ଜଶୁଆପୁର ବିକାଶ ପରିଷଦ ଦ୍ବାରା ରକ୍ଷଣ ବେକ୍ଷଣ କରାଯାଉଛି । ଏହି କାର୍ଯ୍ୟରେ ମୁଖ୍ୟଅତିଥି ଭାବେ ପ୍ରକୃତି ବନ୍ଧୁ ଦୀନବନ୍ଧୁ ଭୋଇ, ପ୍ରଳୟ କୁମାର ଦାସ, ପ୍ରତାପ ପ୍ରଧାନ , ଦୀପକ ସ୍ବାଇଁ ଓ ଅଭିଷେକ ଭୋଇ ପ୍ରମୁଖ ଯୋଗଦାନ କରିଥିଲେ । ଜଙ୍ଗଲରେ ୧୫ ଟି ମାଟି ପାତ୍ର ଗଛରେ ରଖା ଯାଇଛି।
