ଉତ୍କଳ ଦିବସରେ ଜୟଦେବ ଗଣଦୌଡ-୨୦୨୫ ପ୍ରତିଯୋଗିତା

ଉତ୍କଳ ଦିବସରେ ଜୟଦେବ ଗଣଦୌଡ-୨୦୨୫ ପ୍ରତିଯୋଗିତା

ଶାନ୍ତିସ୍ତୁପ ବ୍ୟୁରୋ: ପବିତ୍ର ଉତ୍କଳ ଦିବସ ଉପଲକ୍ଷେ ନିର୍ଭୀକ ଖବର ଓ ଅରବିନ୍ଦ ୟୁଥ୍ ଆଣ୍ଡ ସୋସିଆଲ ଚାରିଟେବୁଲ ଟ୍ରଷ୍ଟ ପକ୍ଷରୁ ଆୟୋଜିତ ହେବାକୁ ଥିବା ଜୟଦେବ ଗଣଦୌଡ-୨୦୨୫ ପାଇଁ ଏକ ସାମ୍ବାଦିକ ସମ୍ମିଳନୀ ବାଳକାଟି ସ୍ଥିତ ଶ୍ରୀ କନଭେସନ ଠାରେ ଅନୁଷ୍ଠିତ ହୋଇଯାଇଛି। ଚଳିତ ବର୍ଷ ଏପ୍ରିଲ ୧ ତାରିଖ ଦିନ ବାଳକାଟି ସ୍ଥିତ ସଂଗୀତ ସୁଧାକର ବାଳକୃଷ୍ଣ ଦାଶଙ୍କ ପ୍ରତିମୂର୍ତ୍ତି ଠାରୁ ଆରମ୍ଭ ହୋଇ ହୀରାପୁର ସ୍ଥିତ ମା’ ମହାମାୟା ୬୪ ଯୋଗିନୀ ପୀଠରେ ଶେଷ ହେବ। ଏହି ଗଣଦୌଡରେ ୧୮ ରୁ ୩୫ବର୍ଷ ବର୍ଗର ଉଭୟ ମହିଳା ଓ ପୁରୁଷ ଭାଗନେଇପାରିବେ । ପ୍ରତିଯୋଗିତାରେ ପ୍ରଥମ ,ଦ୍ୱିତୀୟ ଓ ତୃତୀୟ ସ୍ଥାନରେ ଯଥାକ୍ରମେ ୧୦ହଜାର,୭ହଜାର ଏବଂ ୫ହଜାର ଟଙ୍କାର ଆର୍ଥିକ ରାଶି ପୁରସ୍କାର ପ୍ରଦାନ କରାଯିବ। ଆଜିଠାରୁ ଇଛୁକ ପ୍ରତିଯୋଗୀ ପଞ୍ଜିକରଣ କରିପାରିବା ପାଇଁ info.nirbhikakhabar@gmail.com ଇମେଲ ଆଇଡି କିମ୍ବା ୯୪୩୯୧୧୫୭୨୯ ୱାଟ୍ସଆପ ଜରିଆରେ ନିଜର ନାମ,ବୟସ ଓ ମୋବାଇଲ ନମ୍ବର ଦେଇ ପଞ୍ଜିକରଣ କରିପାରିବେ। ପଞ୍ଜିକରଣ ନିମନ୍ତେ ପ୍ରତ୍ୟେକ ପ୍ରତିଯୋଗୀଙ୍କୁ ୯୯ଟଙ୍କା ଦେୟ ପୈଠ କରିବାକୁ ହେବ। ଏହି ଅବସରରେ ଗଣଦୌଡର ଲୋଗୋ ଏବଂ ଜର୍ସି ଉନ୍ମୋଚନ କରାଯାଇଥିଲା।ଜୟଦେବ ନିର୍ବାଚନ ମଣ୍ଡଳୀର ଐତିହ୍ୟ ଓ ପର୍ଯ୍ୟଟନକୁ ସମୃଦ୍ଧ, ଜୀବନ୍ତ ଓ ସ୍ପନ୍ଦନମୟ କରିବାକୁ ଏହା ଏକ ଆହ୍ବାନ ବୋଲି ମତ ରଖିଥିଲେ ‘ନିର୍ଭୀକ ଖବର’ ର ସମ୍ପାଦକ ଆଶୁତୋଷ ଚୌଧୁରୀ। ଯୁବ ବର୍ଗଙ୍କୁ ଏହି ଗଣଦୌଡରେ ଭାଗନେଇ ଆମ ଅଞ୍ଚଳର ଗର୍ବ ଗୌରବ କୁ ଆଗେଇ ନେବାକୁ ମତବ୍ୟକ୍ତ କରିଥିଲେ ଅରବିନ୍ଦ ୟୁଥ୍ ଆଣ୍ଡ ସୋସିଆଲ ଚାରିଟେବୁଲ ଟ୍ରଷ୍ଟର ଅଧ୍ୟକ୍ଷ ଡ଼ ଅରବିନ୍ଦ ଢ଼ାଲି।ଅନ୍ୟମାନଙ୍କ ମଧ୍ୟରେ ରାଜ୍ୟ ପୁସ୍ତକ ମେଳାର ସମ୍ପାଦକ ବିଧୁଭୂଷଣ ପଟ୍ଟନାୟକ ଓ ଶିଶୁ ଅନନ୍ତ ପ୍ରେସ୍ କ୍ଳବର ସଭାପତି ବିଦ୍ୟାଭୂଷଣ ଭୋଳ ପ୍ରମୁଖ ଉପସ୍ଥିତ ଥିଲେ। ନିର୍ଭୀକ ଖବର ସହ ସମ୍ପାଦକ ପ୍ରଳୟ କୁମାର ଦାସ ସଭା ପରିଚାଳନା କରିଥିଲେ। ପ୍ରକୃତି ବନ୍ଧୁ ଦୀନବନ୍ଧୁ ଭୋଇ ଧନ୍ୟବାଦ ଅର୍ପଣ କରିଥିଲେ।

Leave a Reply

Your email address will not be published. Required fields are marked *