ଆସନ୍ତା ଜୁଲାଇ ୧୨ରୁ ଆରମ୍ଭ ହେବାକୁ ଯାଉଛି ଟେଷ୍ଟ ସିରିଜ୍ । ଏହି ଟେଷ୍ଟ ସିରିଜରେ ମୁହାଁମୁହିଁ ହେବାକୁ ଯାଉଛନ୍ତି ଭାରତ ଓ ୱେଷ୍ଟଇଣ୍ଡିଜ୍ । ୱେଷ୍ଟଇଣ୍ଡିଜ୍ ବିପକ୍ଷ ଟେଷ୍ଟ ଓ ଦିନିକିଆ ସିରିଜ୍ ପାଇଁ ଘୋଷଣା ହେଲା ଭାରତୀୟ ଦଳ । ଟେଷ୍ଟ ସିରିଜ୍ ପାଇଁ ଘୋଷଣା କରାଯାଇଛି ଦଳରେ ରୋହିତ ଶର୍ମା ଅଧିନାୟକ ରହିଛନ୍ତି । ତାଙ୍କ ସହିତ ଶୁଭମନ୍ ଗିଲ, ଋତୁରାଜ ଗାଏକ୍ୱାଡଙ୍କୁ ଦଳରେ ସ୍ଥାନ ଦିଆଯାଇଛି । ଏହାସହ ବିରାଟ କୋହଲି, ଯଶସ୍ୱୀ ଜୟସୱାଲ, ଆଜିଙ୍କ୍ୟ ରାହାଣେଙ୍କୁ ଦଳରେ ରଖାଯାଇଛି । ଅନ୍ୟପଟେ ୱିକେଟ୍ କିପର୍ ବ୍ୟାଟ୍ସମ୍ୟାନ୍ ଭାବେ କେ ଏସ୍ ଭରତ ଓ ଇଶାନ କିଷାନ ଦଳରେ ରହିଛନ୍ତି । ସେହିପରି ଦଳର ବୋଲିଂ ବିଭାଗରେ ଆର ଅଶ୍ୱିନୀ, ଜାଡେଜା, ଅକ୍ଷର ପଟେଲ ସ୍ପିନ୍ ବିଭାଗ ସମ୍ଭାଳିବେ । ତାଙ୍କ ସହିତ ସାର୍ଦ୍ଦୁଲ ଠାକୁର, ମହମ୍ମଦ ସିରାଜ, ମୁକେଶ କୁମାର, ଜୟଦେବ ଉନାଦକତ୍ ଏବଂ ନବଦୀପ ସୈନୀ ପେସ୍ ବିଭାଗ ସମ୍ଭାଳିବେ ।
