ବିକ୍ରି ହୋଇଗଲା ନୀଳ ଚଢେଇ!!
ସାନ ଫ୍ରାନସିସକୋ : ଆଜି ମଧ୍ୟ ଅନେକ ଲୋକ ଟ୍ୱିଟରକୁ ତାହାର ପୁରୁଣା ଲୋଗୋ ନୀଳପକ୍ଷୀକୁ ଦେଖି ଚିହ୍ନନ୍ତି। କିନ୍ତୁ ଯେବେଠାରୁ ଏହି ସୋସିଆଲ ମିଡିଆ ପ୍ଲାଟଫର୍ମକୁ ଏଲୋନ ମସ୍କ ନିଜ ମାଲିକାନାକୁ ନେଇଛନ୍ତି, ସେବେଠାରୁ ସେ ଏଥିରେ ଅନେକ ବଡ଼ ପରିବର୍ତ୍ତନ କରିଛନ୍ତି। ମସ୍କ ଟ୍ୱିଟରର ନାମ ଏବଂ ଲୋକ ଉଭୟକୁ ପରିବର୍ତ୍ତନ କରିଥିଲେ। ଏହାର ନାମ X କୁ ପରିବର୍ତ୍ତନ କରାଯାଇଥିଲା। ଏବେ ଆମେରିକାର ସାନ ଫ୍ରାନସିସକୋ ସ୍ଥିତ ଟ୍ବିଟର ବା ଏକ୍ସ ମୁଖ୍ୟାଳୟରେ ଲାଗିଥିବା ନୀଳ ପକ୍ଷୀର ଲୋକପ୍ରିୟ ଲୋଗୋଟି ମଧ୍ୟ ନିଲାମ ହୋଇଯାଇଛି । ଏହା ସହିତ ଟ୍ବିଟରର ଅନ୍ୟନାମ ପାଲଟିଥିବା ଏହି ନୀଳ ପକ୍ଷୀର ଅସ୍ତିତ୍ବ ଲୋପ ପାଇଛି ।ନିଲାମ କରିଥିବା କମ୍ପାନୀ ଅନୁସାରେ, ନୀଳ ପକ୍ଷୀଟି ୩୪ ହଜାର ୩୭୫ ଡଲାର (ପ୍ରାୟ ୩୦ ଲକ୍ଷ ଟଙ୍କା) ରେ ନିଲାମ ହୋଇଥିଲା। ବର୍ତ୍ତମାନ ଏହି ପକ୍ଷୀର କ୍ରେତାଙ୍କ ପରିଚୟ ପ୍ରକାଶ କରାଯାଇ ନାହିଁ।ନିଲାମ କରିଥିବା କମ୍ପାନୀ ଅନୁସାରେ, ନୀଳ ପକ୍ଷୀଟି ୩୪ ହଜାର ୩୭୫ ଡଲାର (ପ୍ରାୟ ୩୦ ଲକ୍ଷ ଟଙ୍କା) ରେ ନିଲାମ ହୋଇଥିଲା। ଏହି ନୀଳ ପକ୍ଷୀର ଓଜନ ପ୍ରାୟ ୨୫୪ କିଲୋଗ୍ରାମ। ଏହା ଏକ ୧୨ ଫୁଟ ଲମ୍ବା ଏବଂ ୯ ଫୁଟ ଚଉଡା ମୂର୍ତ୍ତି। ବର୍ତ୍ତମାନ ଏହି ପକ୍ଷୀର କ୍ରେତାଙ୍କ ପରିଚୟ ପ୍ରକାଶ କରାଯାଇ ନାହିଁ।କେବଳ ନୀଳ ପକ୍ଷୀ ନୁହେଁ, ଏକ ଆପଲ୍-୧ କମ୍ପ୍ୟୁଟର ପ୍ରାୟ ୩.୨୨ କୋଟି ଟଙ୍କା (୩.୭୫ ଲକ୍ଷ ଡଲାର) ରେ ନିଲାମ ହୋଇଥିଲା ଏବଂ ଷ୍ଟିଲ୍ ଜବସ୍ ଦ୍ୱାରା ସ୍ୱାକ୍ଷରିତ ଏକ ଆପଲ୍ ଚେକ୍ ପ୍ରାୟ ୯୬.୩ ଲକ୍ଷ ଟଙ୍କା (୧,୧୨,୦୫୪ ଡଲାର) ରେ ନିଲାମ ହୋଇଥିଲା।
