ସ୍ପର୍ଶ ହସ୍ପିଟାଲ ପକ୍ଷରୁ ମହିଳା କର୍କଟ ରୋଗ ସଚେତନତା ଶିବିର ଅନୁଷ୍ଠିତ
ବାଲିଅନ୍ତା ବ୍ଲକ୍ ଅନ୍ତର୍ଗତ ଯଶୁଆପୁର ଗ୍ରାମରେ ଭୁବନେଶ୍ୱର ସ୍ଥିତ ସ୍ପର୍ଶ ହସ୍ପିଟାଲ ପକ୍ଷରୁ ମହିଳା କର୍କଟ ରୋଗ ସଚେତନତା ଶିବିର ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ସ୍ପର୍ଶ ହସ୍ପିଟାଲର ବରିଷ୍ଠ ବିଶେଷଜ୍ଞ ଡାକ୍ତର ମାଧୁରୀ ପଟ୍ଟନାୟକ, ଡାକ୍ତର ମୃଣାଳି କାନ୍ତ ଦାଶ, ଜେନେରାଲ ମ୍ୟାନେଜର ସୌମେନ୍ଦ୍ର ମିଶ୍ର ପ୍ରମୁଖ ଯୋଗଦେଇ ମହିଳା ମାନଙ୍କୁ ସଚେତନ କରିଥିଲେ। ଗ୍ରାମର ଶତାଧିକ ମହିଳା ଓ ଯୁବତୀ ମାନେ ଯୋଗଦେବା ସହ ଡାକ୍ତର ମାନଙ୍କ ପାଖରୁ ପରାମର୍ଶ ଗ୍ରହଣ କରିଥିଲେ। ଏହି କାର୍ଯ୍ୟକ୍ରମରେ ଅନ୍ୟତମ ଅତିଥି ଭାବେ ଉମାଦେଇବ୍ରହ୍ମପୁର ଗ୍ରାମପଞ୍ଚାୟତ ସରପଞ୍ଚ ରମାଲତା ନାୟକ,ସମିତି ସଭ୍ୟ ରଞ୍ଜନ କୁମାର ମହାପାତ୍ର ଓ ପ୍ରକୃତି ବନ୍ଧୁ ଦୀନବନ୍ଧୁ ଭୋଇ ପ୍ରମୁଖ ଯୋଗଦେଇଥିଲେ। ଏହି ଶିବିରକୁ ମାର୍କେଟିଂ ହେଡ କାହ୍ନୁଚରଣ ପଣ୍ଡା ପରିଚାଳନା କରିଥିଲେ।
