ବିଜେପି ଯୁବନେତା ଶିବ ମଲ୍ଲିକ ହେଲେ ଭୁବନେଶ୍ୱର ଲୋକସଭା ସାଂସଦ ଅପରାଜିତା ଷଡ଼ଙ୍ଗୀଙ୍କ ବାଲିଅନ୍ତା ବ୍ଲକ ପ୍ରତିନିଧି l ଗତକାଲି ସାଂସଦ ବିଦ୍ଧିବଦ୍ଧ ଭାବେ ଶ୍ରୀ ମଲ୍ଲିକଙ୍କ ନାମ ଘୋଷଣା କରିଛନ୍ତି l ଖବର ପ୍ରଚାର ହେବାପରେ ବାଲିଅନ୍ତା ବ୍ଲକ ବିଜେପି କର୍ମୀଙ୍କ ମଧ୍ୟରେ ଆନନ୍ଦର ଲହରୀ ଖେଳିଯାଇଛି l ଅପରପକ୍ଷରେ ଏହି ପଦବୀ ମିଳିବା ପରେ ଶ୍ରୀ ମଲ୍ଲିକ ସାଂସଦ ଷଡ଼ଙ୍ଗୀଙ୍କୁ କୃତଜ୍ଞତା ଜଣାଇଛନ୍ତି l ଏନେଇ ଆଜି ଶ୍ରୀ ମଲ୍ଲିକ ନିଜ କର୍ମୀ ଓ ସମର୍ଥକଙ୍କ ସହ ବ୍ଲକ ଉନ୍ନୟନ ଅଧିକାରୀ ପବିତ୍ର କୁମାର ସାମଲ ଓ ତହସିଲଦାର ବିମଳ କୁମାର ଲେଙ୍କାଙ୍କୁ ପ୍ରତିନିଧି ପ୍ରମାଣ ପତ୍ର ପ୍ରଦାନ କରିଛନ୍ତି l ଆଗାମୀ ଦିନ ମାନଙ୍କରେ ବ୍ଲକ ଓ ତହସିଲରେ ହେବାକୁ ଥିବା ବୈଠକରେ ସାଂସଦଙ୍କ ପକ୍ଷରୁ ପ୍ରତିନିଧିତ୍ୱ କରିବେ ଶ୍ରୀ ମଲ୍ଲିକ l ସମଗ୍ର ଜୟଦେବ ନିର୍ବାଚନମଣ୍ଡଳୀରେ ବିଜେପିର ପ୍ରଚାର ପ୍ରସାର, କେନ୍ଦ୍ର ଓ ରାଜ୍ୟ ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନା ଗୁଡିକ ସାଧାରଣଜନତା ଓ ମତଦାତାଙ୍କ ନିକଟରେ ପହଞ୍ଚାଇବା ଏବଂ ନିର୍ବାଚନମଣ୍ଡଳୀର ବିକାଶର ସାରଥୀ ହେବା ତାଙ୍କର ମୂଳଲକ୍ଷ ବୋଲି ଶ୍ରୀ ମଲ୍ଲିକ କହିଛନ୍ତି l ପ୍ରକାଶଥାଉକି ଦୀର୍ଘ ୧୫ ରୁ ୨0 ବର୍ଷ ଧରି ଶ୍ରୀ ମଲ୍ଲିକ ବିଜେପିରେ ବିଭିନ୍ନ ପଦପଦବୀରେ ରହି ଦଳ ପାଇଁ ସକ୍ରିୟ ଭୂମିକା ଗ୍ରହଣ କରିଛନ୍ତି l
