ରାଜ୍ୟସ୍ତରରେ ସମ୍ମାନିତ ହେଲା ‘ଆଦର୍ଶ ୟୁଥ୍ ଫାଉଣ୍ଡେସନ ଟ୍ରଷ୍ଟ’
ପୁରୀ: ପୁରୀ ତଥା ରାଜ୍ୟର ଅଗ୍ରଣୀ ସାମାଜିକ ଅନୁଷ୍ଠାନ ଊର୍ଜାବାନ ଓଡ଼ିଶା ଟ୍ରଷ୍ଟ ପକ୍ଷରୁ ସ୍ଥାନୀୟ ସଂସ୍କୃତି ଭବନ ଠାରେ ୩ୟ ସ୍ୱନ୍ନକ୍ଷତ୍ର ଉତ୍ସବ ଧୁମଧାମରେ ଅନୁଷ୍ଠିତ ହେଇଯାଇଅଛି। ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ରାଜ୍ୟସଭା ସାଂସଦ ଶୁଭାଶିଷ ଖୁଣ୍ଟିଆ, ମୁଖ୍ୟବକ୍ତା ଭାବେ ପିପିଲି ର ମାନ୍ୟବର ବିଧାୟକ ଆଶ୍ରିତ ପଟ୍ଟନାୟକ, ପୁରୀର ପୂର୍ବତନ ବିଧାୟକ ଜୟନ୍ତ କୁମାର ଷଡଙ୍ଗୀ , ବିଶିଷ୍ଟ ସମାଜସେବୀ ଡ: ଷ୍ଟାଲିନ୍ ପରିଜା, ବିଶିଷ୍ଟ ଉଦ୍ୟୋଗପତି ରାଜକିଶୋର ପାତ୍ର, ବରିଷ୍ଠ ସେବାୟତ ମଧୁସୂଦନ ସିଂହାରୀ ପ୍ରମୁଖ ଯୋଗଦେଇ ଏହି ଅନୁଷ୍ଠାନ ଯେଉଁଭଳି ଭାବେ ଦୁଃଖିରଙ୍କି ଓ ଭୋକିଲା ପେଟରେ ଆହାର ପ୍ରଦାନ କରୁଛି ସେଥିପାଇଁ ଭୂରିଭୂରି ପ୍ରଶଂସା କରିଥିଲେ। ଏଥି ସହ ଅନୁଷ୍ଠାନର ଉତ୍ତୋରତ୍ତର ଉନ୍ନତି କାମନା ସହିତ କେବଳ ପୁରୀ ରେ ନୁହେଁ ସାରା ଭାରତବର୍ଷରେ କିପରି ଭାବେ ନିଜର ନିଃସ୍ବାର୍ଥପର ସେବାକୁ ପହଞ୍ଚାଇବା ପାଇଁ କହିଥିଲେ। ଏହି କାର୍ଯ୍ୟକ୍ରମ ରେ ବିଭିନ୍ନ ସମାଜସେବା କ୍ଷେତ୍ରରେ ପାରଦର୍ଶିତା ଲାଭ କରିଥିବା ଜୟଦେବ ନିର୍ବାଚନ ମଣ୍ଡଳୀର ଅଗ୍ରଣୀ ସାମାଜିକ ଅନୁଷ୍ଠାନ ‘ଆଦର୍ଶ ୟୁଥ୍ ଫାଉଣ୍ଡେସନ ଟ୍ରଷ୍ଟ’ର କର୍ମକର୍ତ୍ତାମାନଙ୍କୁ ସମ୍ବର୍ଦ୍ଧିତ କରାଯାଇଥିଲା। ଆଦର୍ଶ ୟୁଥ୍ ଫାଉଣ୍ଡେସନ ଟ୍ରଷ୍ଟର ନିଃସ୍ଵାର୍ଥପର ସେବା କୁ ସମସ୍ତ ଅତିଥି ବୃନ୍ଧ ଖୁବ୍ ପ୍ରଶଂସା କରିଥିଲେ। ଆଦର୍ଶ ୟୁଥ୍ ଫାଉଣ୍ଡେସନ ଟ୍ରଷ୍ଟର ଅଧକ୍ଷ ପ୍ରଳୟ କୁମାର ଦାସ ଏହି ଅନୁଷ୍ଠାନର ସମସ୍ତ କର୍ମକର୍ତ୍ତାଙ୍କୁ ଧନ୍ୟବାଦ ପ୍ରଦାନ କରିଥିଲେ। ଏହି କାର୍ଯ୍ୟକ୍ରମ ରେ ଶିବାନନ୍ଦ ବାରିକ ମଞ୍ଚ ପରିଚାଳନା କରିଥିବା ବେଳେ ସମ୍ପାଦିକା ନିହାରିକା ତ୍ରିପାଠୀ ଅତିଥି ପରିଚୟ ପ୍ରଦାନ କରିଥିଲେ।
