ଯଶୁଆପୁର ଜଙ୍ଗଲ ସୁରକ୍ଷା ସମିତି ଗଠନ
ବାଲିଅନ୍ତା: ଉମାଦେଇବ୍ରହ୍ମପୁର ପଂଚାୟତର ଯଶୁଆପୁର ଗ୍ରାମର ପାରିପାର୍ଶିକ ଉନ୍ନତିକରଣ ବିକାଶତ ପଥେ । ସ୍ବାସ୍ଥ୍ୟ, ଶିକ୍ଷା, ପାନୀୟ ଜଳ ଓ ପରିବେଶ ସୁସ୍ଥ ସମାଜ ଗଠନ ଦିଗରେ ଯଶୁଆପୂର ଗ୍ରାମ ଓଡ଼ିଶାର ଗୋଟିଏ ଆଦର୍ଶ ଗ୍ରାମର ମାନ୍ୟତା ପଥରେ । ରବିବାର ଦିନ ୯ଘଟିକା ସମୟରେ ଜଙ୍ଗଲ ସୁରକ୍ଷା ଉଦେଶ୍ୟରେ ଗଢା ହେଲା ଯଶୁଆପୁର ଜଙ୍ଗଲ ସୁରକ୍ଷା ସମିତି। ଯୁବ ସମାଜସେବୀ ରଞ୍ଜନ ମହାପାତ୍ରଙ୍କ ତତ୍ତ୍ଵାବଧାନରେ ଯଶୁଆପୁର ମଶାଣିରେ ଥିବା ଜଙ୍ଗଲର ପୁନରୁଦ୍ଧାର ତା’ର ପରିବେଶ ସନ୍ତୁଳନ ଓ ସୌନ୍ଦର୍ଯ୍ୟକରଣ ରକ୍ଷା ନିମନ୍ତେ ଯଶୁଆପୁର ଜଙ୍ଗଲ ସୁରକ୍ଷା ସମିତି ନାମକ ଏକ କ୍ଳବ ଗଠନ କରାଯାଇଛି । ତାର ଲକ୍ଷ୍ୟ ଅଞ୍ଚଳର ଅବକ୍ଷୟ ଜଙ୍ଗଲର ପୁନରୁଦ୍ଧାର, ନୂତନ ଜଙ୍ଗଲ ସୃଷ୍ଟି ଓ ପରିବେଶ ସୁରକ୍ଷା ଜନ ସଚେତନତା । କାର୍ଯ୍ୟକ୍ରମରେ ଉପଦେଷ୍ଟା ଭାବେ ବରିଷ୍ଠ ଶିକ୍ଷାବିତ୍ ବିଦୁଭୂଷଣ ପଟ୍ଟନାୟକ ଓ ବିଶିଷ୍ଟ ପରିବେଶବିତ୍ ଲକ୍ଷ୍ମୀଧର ପ୍ରଧାନ ଯୋଗଦେଇ
ପରିବେଶ ସୁରକ୍ଷା ଓ ପରିବେଶ ସଂରକ୍ଷଣ ଜନିତ ଆହ୍ୱାନର ମୁକାବିଲା ନିମନ୍ତେ ବୃକ୍ଷରୋପଣ ଆବଶ୍ୟକତା ଓ ଏହାର ସୁରକ୍ଷା ବିଷୟରେ ସଚେତନତା ବାର୍ତ୍ତା ପ୍ରଦାନ କରିଥିଲେ। ଏହି ଅବସରରେ ନଡ଼ିଆ, ଆମ୍ବ , ପିଜୁଳି ଆଦି କିସମର ୨୫ଟି ବୃକ୍ଷରୋପଣ କରାଯାଇଥିଲା।୫୦ରୁ ଊର୍ଦ୍ଧ୍ବ ଅଞ୍ଚଳର ନେତୃବୃନ୍ଦ , ଯୁବଗୋଷ୍ଠୀ , ସାଧାରଣ ଲୋକ ଏହି କାର୍ଯ୍ୟକ୍ରମରେ ଯୋଗଦେଇ ପରିବେଶ ସୁରକ୍ଷା ଓ ବ୍ୟାପକ ବୃକ୍ଷରୋପଣ ଦିଗରେ ଆଲୋଚନା କରିଥିଲେ । ଅନ୍ୟମାନଙ୍କ ମଧ୍ୟରେ ପ୍ରକୃତି ବନ୍ଧୁ ଦିନବନ୍ଧୁ ଭୋଇ, ତପନ କୁମାର ସ୍ବାଇଁ, ପରିବେଷପ୍ରେମି ପ୍ରସନ୍ନ ମିଶ୍ର, ରଶ୍ମି ରଞ୍ଜନ ମହାପାତ୍ର,ପ୍ରତାପ ପ୍ରଧାନ ପ୍ରମୁଖ ଉପସ୍ଥିତ ଥିଲେ।
