ବାଲିପାଟଣା,: ବିବେକାନନ୍ଦ ଶିକ୍ଷାକେନ୍ଦ୍ର ରେ ମାତୃପିତୃ ପୂଜନ ଉତ୍ସବ ପାଳିତ ହୋଇଛି। ମାତା ପିତା ହେଉଛନ୍ତି ମନୁଷ୍ୟ ଜୀବନର ଜୀବନ୍ତ ଦେବତା,ସେମାନଙ୍କ ଆଶୀର୍ବାଦ ରେ ମନୁଷ୍ୟ ଜୀବନ ସୁଖମୟ ହୁଏ । ଏହି ତଥ୍ୟ କୁ ପାଥେୟ କରି ଆଜି ବାଲିପାଟଣା ବ୍ଲକ୍ ଅନ୍ତର୍ଗତ ତୁରିନ୍ତିରା ସ୍ଥିତ ବିବେକାନନ୍ଦ ଶିକ୍ଷାକେନ୍ଦ୍ର ରେ ଏକ ମାତୃପିତୃ ପୂଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବର୍ତ୍ତମାନ ର ସମାଜ ପାଶ୍ଚାତ୍ୟ ପରମ୍ପରା ପ୍ରତି ଆକର୍ଷିତ ହୋଇ ଘରୋଇ ପରମ୍ପରାକୁ ଅଣଦେଖା କରୁଥିବା ସମୟରେ ବିଦ୍ୟାଳୟ ତରଫରୁ ସମାଜ ସଂସ୍କାର କ୍ଷେତ୍ର ରେ ପ୍ରତିବର୍ଷ ଏପରି ଏକ କାର୍ଯ୍ୟକ୍ରମ ଆୟୋଜନ କରାଯାଉଛି । ଭୁବନେଶ୍ବର ତପୋବନ ଆଶ୍ରମ ର କର୍ମକର୍ତ୍ତା ମାନେ ଆଜି ବିଦ୍ୟାଳୟ ରେ ପହଞ୍ଚି ଛାତ୍ର ଛାତ୍ରୀ ମାନଙ୍କୁ ପିତାମାତା ମାନଙ୍କର ଭୂମିକା ଏବଂ ସେମାନଙ୍କ ପ୍ରତି ପିଲାମାନଙ୍କର କର୍ତ୍ତବ୍ୟ ସମ୍ପର୍କରେ ଆଲୋକପାତ କରିଥିଲେ। ପିତା ମାତା ମାନେ କିପରି ବିଭିନ୍ନ କଷ୍ଟ ସହ୍ୟ କରି ନିଜର ସନ୍ତାନ କୁ ସମସ୍ତ ସୁଖ ପ୍ରଦାନ କରିବା ପାଇଁ ନିଜ ଜୀବନ କୁ ଉତ୍ସର୍ଗ କରିଥାନ୍ତି ସେ ସମ୍ପର୍କରେ ଛାତ୍ରଛାତ୍ରୀ ଙ୍କ ମନରେ ଜାଗରଣ ସୃଷ୍ଟି କରିଥିଲେ। ପିତାମାତା ଙ୍କର ଅବଦାନ କୁ ମନେ ପକାଇ ସମସ୍ତ ଛାତ୍ର ଛାତ୍ରୀ ଏବଂ ଗୁରୁଜୀ ଗୁରୁମା ମାନେ ଅତ୍ୟନ୍ତ ଭାବ ପ୍ରବଣ ହୋଇ ରୋଦନ କରିବାର ଦୃଶ୍ୟ ଏକ ସ୍ବତନ୍ତ୍ର ପରିବେଶ ସୃଷ୍ଠି କରିଥିଲା । ଆଜିର କାର୍ଯ୍ୟକ୍ରମ କୁ ତପୋବନ ଆଶ୍ରମ ର କର୍ମକର୍ତ୍ତା ଏବଂ ବିଦ୍ୟାଳୟର ସମସ୍ତ ଗୁରୁଜୀ ଗୁରୁମା ମାନେ ପରିଚାଳନା କରିଥିଲେ ।
