ବେଣୁପୁର ସେବା ସମବାୟ ସମିତି ସଭାପତିଙ୍କ ପରଲୋକ
ବାଲିଅନ୍ତା- ବାଲିଅନ୍ତା ବ୍ଲକ ଅଧୀନ ବେଣୁପୁର ପ୍ରାଥମିକ ସେବା ସମବାୟ ସମିତିର ସଭାପତି ଦିଗମ୍ବର ମଙ୍ଗରାଜଙ୍କର ପରଲୋକ ହୋଇଯାଇଛି। ଗତକାଲି ରାତି ପ୍ରାୟ ୧୧ଟା ସମୟରେ ତାଙ୍କର ରସୁଲଗଡ଼ ସ୍ଥିତ ବାସଭବନରେ ମୃତ୍ୟୁ ହୋଇଯାଇଥିଲା। ଶ୍ରୀ ମଙ୍ଗରାଜ ଦୀର୍ଘଦିନ ଧରି ବାର୍ଦ୍ଧକ୍ୟଜନିତ ରୋଗରେ ପୀଡ଼ିତ ଥିଲେ। ତାଙ୍କର ମୃତ୍ୟୁ ଖବର ପାଇବା ମାତ୍ରେ ବହୁ ମାଣ୍ୟଗଣ୍ୟ ବ୍ୟକ୍ତି ତାଙ୍କ ବାସଭବନରେ ପହଞ୍ଚି ତାଙ୍କର ଶେଷ ଦର୍ଶନ କରିଥିଲେ। ଶ୍ରୀ ମଙ୍ଗରାଜଙ୍କ ମୃତ୍ୟୁରେ ମାର୍କଫେଡ଼ର ଅଧ୍ୟକ୍ଷା କବିତା ମଞ୍ଜରୀ ପରିଡ଼ା ଓ ବାଲିଅନ୍ତା ସେବା ସମବାୟ ସମିତି ସଭାପତି ତଥା ଆରସିଏମ ସଭାପତି ଧିରେନ କର ଏବଂ ପ୍ରତାପଶାସନ ସେବା ସମବାୟ ସମିତି ସଭାପତି ନଳିନୀକାନ୍ତ ମହାପାତ୍ର, ସତ୍ୟଭାମାପୁର ସେବା ସମବାୟ ସଭାପତି ବିପିନ ପାତ୍ର ଏବଂ ବରିଷ୍ଠ ନେତା ବେଣୁଧର ଭୋଇ ପ୍ରମୁଖ ଗଭୀର ଶୋକ ବ୍ୟକ୍ତ କରିଛନ୍ତି। ସୂଚନା ଅନୁସାରେ ଶ୍ରୀ ମଙ୍ଗରାଜ ବେଣୁପୁର ସେବା ସମବାୟ ସମିତିର ୪ ଟି ନିର୍ବାଚନରେ ଜିତି ସଭାପତି ଦାୟିତ୍ବ ତୁଲାଇଥିବା ବେଳେ ଏଥର ମଧ୍ୟ ବିଜୟୀ ହୋଇଥିଲେ। ସୂଚନା ଅନୁସାରେ ସେ ଖୋର୍ଧା କେନ୍ଦ୍ର ସମବାୟ ବ୍ୟାଙ୍କ ପରିଚାଳନା ପରିଷଦ ସଦସ୍ୟ, ଆରସିଏମ ପରିଚାଳନା ସଦସ୍ୟ ଏବଂ ପୁରୀ ନିମାପଡ଼ା କେନ୍ଦ୍ର ସମବାୟ ବ୍ୟାଙ୍କର ପରିଚାଳନା ପରିଷଦ ସଦସ୍ୟ ଥିଲେ।
