ପଞ୍ଚମ କାଞ୍ଚନ କର୍ପୋରେଟ ଆୱାର୍ଡ ଏବଂ ୟୁଥ୍ କନ୍କ୍ଳେଭ – ୨୦୨୪ ଅନୁଷ୍ଠିତ
ଭୁବନେଶ୍ଵର : ଓଡ଼ିଶାର ଅଗ୍ରଣୀ ସାମାଜିକ ଓ ସାଂସ୍କୃତିକ ଅନୁଷ୍ଠାନ କାଞ୍ଚନ ଫାଉଣ୍ଡେସନ ପକ୍ଷରୁ ପଞ୍ଚମ କାଞ୍ଚନ କର୍ପୋରେଟ ଆୱାର୍ଡ଼ ଏବଂ କାଞ୍ଚନ ୟୁଥ୍ କନ୍କ୍ଳେଭ – ୨୦୨୪ ଭୁବନେଶ୍ଵରସ୍ଥିତ ହୋଟେଲ ପ୍ରେସିଡେନ୍ସିଠାରେ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ସମ୍ପାଦକ ତାପସ ରଞ୍ଜନ ମଲ୍ଲିକଙ୍କ ସଭାପତିତ୍ଵରେ ଆୟୋଜିତ କାର୍ଯ୍ୟକ୍ରମରେ ଏକାମ୍ର ଭୁବନେଶ୍ଵର ବିଧାୟକ ଶ୍ରୀଯୁକ୍ତ ବାବୁ ସିଂ ମୁଖ୍ୟ ଅତିଥ୍ୟ ଭାବେ ଯୋଗଦେଇ ଆନୁଷ୍ଠାନିକ ଭାବେ ଉଦ୍ଘାଟନ କରିବା ସହ କାଞ୍ଚନ ଫାଉଣ୍ଡେସନର ଏତାଦୃଶ କାର୍ଯ୍ୟକ୍ରମକୁ ଭୂୟସୀ ପ୍ରଶଂସା କରିଥିଲେ । ସମ୍ମାନିତ ଅତିଥି ଭାବରେ ପୂର୍ବତନ ମନ୍ତ୍ରୀ ତଥା ବରିଷ୍ଠ ବିଜେପି ନେତା ଡ . ଅରବିନ୍ଦ ଢାଲୀ , ପୂର୍ବତନ ବିଧାୟକ ତଥା ବରିଷ୍ଠ ବିଜେପି ନେତା ଶ୍ରୀଯୁକ୍ତ ପ୍ରିୟଦର୍ଶୀ ମିଶ୍ର , ବରିଷ୍ଠ ବିଜେପି ନେତା ତଥା ଶିଳ୍ପପତି ପିୟୂଷ ମହାନ୍ତି , ସମାଜସେବୀ ସୁସ୍ମିତା ପୃଷ୍ଟି , ୟୁଥ୍ ଆଇକନ୍ ତଥା ଯୁବ ସମାଜସେବୀ ଡଃ ଷ୍ଟାଲିନ ପରିଜା ପ୍ରମୁଖ ଯୋଗ ଦେଇଥିଲେ । ଏହି ଅବସରରେ ଓଡ଼ିଶାର ବିଭିନ୍ନ କର୍ପୋରେଟ ଜଗତର ୧୫ଜଣ ବିଶିଷ୍ଟ ଉଦ୍ୟୋଗପତିଙ୍କୁ କାଞ୍ଚନ କର୍ପୋରେଟ ଆୱାର୍ଡ ପ୍ରଦାନ କରାଯାଇଥିଲା। ଅନ୍ୟମାନଙ୍କ ମଧ୍ୟରେ ଅନୁଷ୍ଠାନର ଉପଦେଷ୍ଟା ବିଶିଷ୍ଟ ଶିକ୍ଷାବିତ ବିଧୁଭୂଷଣ ପଟ୍ଟନାୟକ , ପ୍ରମୋଦ ପାଢୀ , ଲକ୍ଷ୍ମୀଧର ପ୍ରଧାନ , ସ୍ଵୟଂପ୍ରଭା ରଥ , ବିଜୟ କୁମାର ମହାରଣା , ଶ୍ରୀଲିପି ପ୍ରଧାନ ପ୍ରମୁଖ ଉପସ୍ଥିତ ଥିଲେ । କାର୍ଯ୍ୟକ୍ରମରେ ଅନୁଷ୍ଠାନର ସଭାପତି ରଞ୍ଜନ କୁମାର ମହାପାତ୍ର ସ୍ଵାଗତ ଭାଷଣ ଦେଇଥିବା ବେଳେ ମଞ୍ଚ ପରିପ୍ପଳନା କରିଥିଲେ ଶୁଭୋଜିତ ପଣ୍ଡା । ଏହି କାର୍ଯ୍ୟକ୍ରମକୁ ଅନୁଷ୍ଠାନର ସାଂଗଠନିକ ସମ୍ପାଦକ ପ୍ରଳୟ କୁମାର ଦାସ ଧନ୍ୟବାଦ ଅର୍ପଣ କରିଥିଲେ ଏବଂ ଦୀପକ କୁମାର ସ୍ଵାଇଁ ପରିଚାଳନା ରେ ସହଯୋଗ କରିଥିଲେ ।
