କାଞ୍ଚନ ଫାଉଣ୍ଡେସନ ତରଫରୁ ପଖାଳ ଦିବସ ପାଳିତ
ବାଲିଅନ୍ତା : ବାଲିଅନ୍ତା ବ୍ଲକ ଅଧୀନ ଉମାଦେଇବ୍ରହ୍ମପୁର ଗ୍ରାମ ପଂଚାୟତର ଯଶୁଆପୁର ବାଲିପୋଖରୀ ଜଙ୍ଗଲରେ ପଖାଳ ଦିବସ ପାଳିତ ହୋଇଯାଇଛି । ଆମ ଓଡ଼ିଆଙ୍କ ଜନଜୀବନରେ ପାରମ୍ପରିକ ଖାଦ୍ୟ ଭାବେ ‘ପଖାଳ’ର ସ୍ଥାନ ସ୍ଵତନ୍ତ୍ର । ଏହା କେବଳ ଓଡ଼ିଆଙ୍କ ପାଇଁ ଏକ ଖାଦ୍ୟ ନୁହେଁ ବରଂ ଆମ ଜନଜୀବନ ଏବଂ ସଂସ୍କୃତିର ଅବିଚ୍ଛେଦ୍ୟ ଅଙ୍ଗ । ଆମ ଅସ୍ମିତାର ପ୍ରତୀକ । ଗାଁରୁ ସହର, ରାଜ୍ୟରୁ ବିଶ୍ଵ ସ୍ତରରେ ‘ପଖାଳ’ ଏକ ପ୍ରିୟ ଆହାର ଭାବେ ବିଶ୍ଵ ବିଦିତ । ମାର୍ଚ୍ଚ ୨୦ ତାରିଖକୁ ବିଶ୍ଵ “ପଖାଳ ଦିବସ” ଭାବେ ସମଗ୍ର ବିଶ୍ୱ ପାଳୁଥିବା ଅବସରରେ କାଞ୍ଚନ ଫାଉଣ୍ଡେସନ ତରଫରୁ ବାଲିଅନ୍ତା ଉମାଦେଇବ୍ରହ୍ମପୁର ପଞ୍ଚାୟତର ଯଶୁଆପୁର ଜଙ୍ଗଲରେ ଅତି ସ୍ମରଣୀୟ ଭାବରେ ସାଂସ୍କୃତିକ କାର୍ଯ୍ୟକ୍ରମ ସହ “ପଖାଳ ଦିବସ” ପାଳିତ ହୋଇଯାଇଛି । ଏଥିରେ କାଞ୍ଚନ ଫାଉଣ୍ଡେସନର ସଭାପତି ତଥା ଯୁବ ସମାଜସେବୀ ରଞ୍ଜନ କୁମାର ମହାପାତ୍ର, ସଂପାଦକ ତାପସ ମଲ୍ଲିକ, ବରିଷ୍ଠ ଶିକ୍ଷାବିତ୍ ବିଦୁଭୂଷଣ ପଟ୍ଟନାୟକ, ସମାଜସେବୀ ବେଣୁଧର ଭୋଇ, ସମାଜସେବୀ ସୁଚିସ୍ମିତା ପୃଷ୍ଟି , ଆଦର୍ଶ ଶିକ୍ଷକ ନାରାୟଣ ବେହେରା, ଉମାଦେଇବ୍ରହ୍ମପୁରର ସରପଞ୍ଚ ରମାଲତା ନାୟକ, ପ୍ରକୃତି ବନ୍ଧୁ ଦିନବନ୍ଧୁ ଭୋଇ , ବାଲିପାଟଣା ପ୍ରେସ କ୍ଳବର ସଭାପତି ଦିଲୀପ ଓଝା , ବରିଷ୍ଠ ସାମ୍ବାଦିକ ରମେଶ ରଥ ଓଡ଼ିଆଙ୍କ ପ୍ରିୟ ଖାଦ୍ୟ ପଖାଳ ଓଡ଼ିଆ ସଂସ୍କୃତି ଓ ପରମ୍ପରା ସହିତ ବେଶ୍ ଜଡ଼ିତ ବୋଲି ମତବ୍ୟକ୍ତ କରିଥିଲେ। ନିର୍ଭିକ ଖବରର ସହ ସମ୍ପାଦକ ପ୍ରଳୟ କୁମାର ଦାସ ମଞ୍ଚ ପରିଚାଳନା କରିଥିବା ବେଳେ ଦୀପକ ସ୍ବାଇଁ କାର୍ଯ୍ୟକ୍ରମରେ ସହଯୋଗ କରିଥିଲେ।
