ଉତ୍କଳମଣି ଗୋପବନ୍ଧୁ ଦାଶଙ୍କ ୧୪୭ତମ ଜନ୍ମଜୟନ୍ତୀ ପାଳିତ
ବାଲିଅନ୍ତା : ବାଲିଅନ୍ତା ବ୍ଲକ ଅନ୍ତର୍ଗତ ଉମାଦେଇ ବ୍ରହ୍ମପୁର ଗ୍ରାମପଞ୍ଚାୟତର ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ, ଯଶୁଆପୁର ପରିସରରେ ଥିବା ଉତ୍କଳମଣି ଗୋପବନ୍ଧୁ ଦାଶଙ୍କ ୧୪୭ ତମ ଜନ୍ମ ଜୟନ୍ତ ପାଳିତ ହୋଇଯାଇଛି। ମହାନ୍ ଦେଶ ସେବକ, ଲୋକ ସେବକ ମଣ୍ଡଳ ସ୍ଵେଚ୍ଛାସେବୀ ସଂଘ ଓ ସମାଜ ଖବର କାଗଜର ପ୍ରତିଷ୍ଠାତା, ତ୍ୟାଗ ଓ ସେବାର ପ୍ରତୀକ ତଥା ସ୍ୱତନ୍ତ୍ର ଉତ୍କଳ ପ୍ରଦେଶ ଗଠନର ଅନ୍ୟତମ କର୍ଣ୍ଣଧାର, ସାହିତ୍ୟ ସାଧକଙ୍କୁ ଅତିଥିମାନଙ୍କ ଦ୍ଵାରା ପୁଷ୍ପ ମଲ୍ୟ, ବିନମ୍ର ଭକ୍ତିପୂତ ସୁମନ ଓ ଶ୍ରଦ୍ଧାଞ୍ଜଳି ଅର୍ପଣ କରଯାଇଥିଲା । ଉତ୍ସବରେ ମୁଖ୍ୟ ଅତିଥି ଭାବେ ପ୍ରକୃତି ବନ୍ଧୁ ଦୀନବନ୍ଧୁ ଭୋଇ ଯୋଗଦେଇ ପଣ୍ଡିତ ଉତ୍କଳମଣି ଗୋପବନ୍ଧୁଙ୍କ ଜୀବନୀ ଉପରେ ଛାତ୍ର ଛାତ୍ରୀଙ୍କୁ ବାର୍ତ୍ତା ଦେଇଥିଲେ । ସମ୍ମାନୀତ ଅତିଥି ଭାବେ ଆଦର୍ଶ ୟୁଥ ଫାଉଣ୍ଡେସନର ଅଧ୍ୟକ୍ଷ ପ୍ରଳୟ କୁମାର ଦାସ ଯୋଗ ଦେଇଥିବାବେଳେ କାର୍ଯ୍ୟକ୍ରମରେ ସ୍ଥାନୀୟ ସମିତିସଭ୍ୟ ରଂଜନ କୁମାର ମହାପାତ୍ର ସଭାପତିତ୍ବ କରିଥିଲେ । ଶେଷରେ ଗୁରୁପ୍ରସାଦ ସାହୁ ଧନ୍ୟବାଦ ଅର୍ପଣ କରିଥିଲେ । ଅଞ୍ଚଳର ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତି ରହି ରହିଥିଲେ ।
@highlight
